نعتیہ عارفانہ کلام
کملی والے محمدؐ توں صدقے میں جاں
جیہنے آ کے غریباں دی بانہہ پھڑ لئی
میری بخشش وسیلۂ محمدﷺ دا ناں
جیہنے آ کے غریباں دی بانہہ پھڑ لئی
اودے باہجوں کوئی دنیا تے پیارا نہیں
اودے ورگا کوئی جگ تے سہارا نہیں
جے نہ ہُندے محمدﷺ نہ ہُندا جہاں
جیہنے آ کے غریباں دی بانہہ پھڑ لئی
دَسو غاراں چ رویا تے کِنہاں لئی
پیدا سوہناﷺ جے ہویا تے کنہاں لئی
کیوں نی منگدے تُسی کالی کملی دی چھاں
جیہنے آ کے غریباں دی بانہہ پھڑ لئی
لایا بدؤاں نوں سینے کمال ہویا
کوئی حبشی توں حضرت بلالؓ ہویا
آئے در تے سوالی تے کیتی نئیں نہ
جیہنے آ کے غریباں دی بانہہ پھڑ لئی
نال انگلی اشارے توں چن توڑیا
گئیا سورج اگاں ول پِچھاں موڑیا
کلمۂ سوہنے محمدﷺ دا پڑھیا بُتاں
جیہنے آ کے غریباں دی بانہہ پھڑ لئی
ویری پتھر وی مارن تے ہسدے رہے
فر وی راہِ خدا سب نوں دسدے رہے
بریؔ صفتاں اچ پرھیا اے سارا قرآں
جیہنے آ کے غریباں دی بانہہ پھڑ لئی
بری نظامی
No comments:
Post a Comment
Note: only a member of this blog may post a comment.