ہر پاسے رشوت چلدی ہے
نہیں گلدی ایتھے دال نی مائے
انج ساڈی واری آنی نہیں
سُٹ ساڈی کورٹ چ بال نی مائے
کجھ ساڈے پر وی کٹے نیں
کجھ ہر پاسے نے جال نی مائے
کدی میں وی رس رس بیندا ساں
ہن رسدے میرے بال نی مائے
پھیر وچ میدان میں اکلا واں
پھیر چل گئے دشمن چال نی مائے
کیوں ایتھے کم کوئی ہوندا نہیں
کیوں رہندی اے ہڑتال نی مائے
سس نونہہ دے جھگڑے رہندے نیں
نہ بوہتی کر پڑتال نی مائے
یوسف عالمگیرین
No comments:
Post a Comment
Note: only a member of this blog may post a comment.