ڈُبا بحر عشق دریا وے جانداں پیا تھلے تھلے
جے تُوں رُڑھدے نُوں پار لگاویں یارا تیری بھلے بھلے
صبر شکر وراثت میری ہور کوئی چیز نہیں چُکدا تیری
تِیجی عاجزی دے دے مینوں تے سب کچھ پلے پلے
حِرص ہوا نے مینوں نپیا، نام خدا دا میں نہیں جپیا
جدوں آوے گا حشر دیہاڑہ تے سر میرے کھلے کھلے
جے کر نیت صاف نہیں میری کی میں بندگی کرنی تیری
جے کر صاف نیت ہو جاوے تے سب کچھ پلے پلے
جو نیکاں سنگ یاری لاوے ساتھ اوناں دے بخشیا جاوے
جے گل سردار نہ منے تے مرے پیا کلے کلے
سائیں سردار علی
No comments:
Post a Comment
Note: only a member of this blog may post a comment.