اُجڑی جھوک وسا تے مناں
پیرا یار ملا، تے مناں
جیویں دلبر تڑپایا ای مینوں
ہور کوئی تڑپا، تے مناں
ہتھ چھڈ کے جا سو واری
دل میرے چوں جا، تے مناں
نویں مصور اوہدے ورگی
مورت ہور بنا، تے مناں
میں کُرلاندیاں عمر گزاری
دو پل وی کُرلا، تے مناں
قول قرار نیں کرنے سوکھے
قول قرار نبھا، تے مناں
سُکھ دی نیندر توبہ توبہ
دل نوں کِدرے لا، تے مناں
اپنا چُک چُک پھوا ہویا ایں
بھار کسے دا چا، تے مناں
چُوٹھیاں بڑھکاں چُوٹھے دعوے
ہتھاں وچ ہتھ پا، تے مناں
چھڈ گڈگور توں رام کہانی
میرا میل کرا، تے مناں
لیاقت گڈگور
No comments:
Post a Comment
Note: only a member of this blog may post a comment.