ہر الزام ہے سر تے ہر ہک تہمت ہے

 پنجابی سرائیکی شاعری

ہر الزام ہے سر تے، ہر ہک تہمت ہے

سوہنڑی نبھدی پئی اے رب دی رحمت ہے

نہ کوئی نکھڑیے نہ کہیں نال محبت ہے

مونجھا مونجھا رہونڑ میڈی عادت ہے

پیار دے باجھوں ککھ بھن ڈوڑا نئیں کرڑاں

آ مل ماہی اج کل ڈاڈھی فرصت ہے

توں تاں میڈا خواب ہیویں بند پلکیں دا

تیڈو اکھ چا ڈیکھے کئیندی جرأت ہے

لگدیاں پئین دعائیں لمبی عمرا دیاں

روح ہے چینڑاں چینڑاں جسم سلامت ہے

خط لکھڑاں ہا تیڈی مونجھ توں مر گئے ہیں

لکھ چھوڑیے می بئی سب خیر خیریت ہے

عشق جہیں سرکار تاں سیفی کوئی کائینی

حضرت عشق دی آپ خدا وی بیعت ہے

غلام عباس سیفی