پنجابی سرائیکی شاعری
ڈس کیرھے ڈینہہ اساں تیکوں مونجھا راہون ڈتے
یا تیڈے کہیں مسئلے کوں وی مسلہ راہون ڈتے
گھر دیاں کچاں کندھاں تاں ہن میں پختہ کروایاں
چڑیاں سانگے گھر دی چھت کوں کچا راہون ڈتے
جیں ویلھے اوں خود نئیں ساکوں آپ شریک بنایا
اللہ سئیں کوں اوندے حال تے کلہا راہون ڈتے
جتنا اوکھے تھئے ہیں جیرھیاں ہن مجبوریاں آیاں
اساں سر کوں پیٹ اپنے توں اچا راہون ڈتے
اتنا ساریاں نیکیاں میکوں کر گمراہ نہ ڈیون
میں دامن تے ہمجے ہک ادھ دھبہ راہون ڈتے
ول مونجھے لوکیں کوں مونجھا کرن دل نئیں کیتا
میں شعریں وچ پھل تتلی دا قصہ راہون ڈتے
وستی دے ڈو جھگے وی ہن آصف ہک ہک تھیندے
تہوں میں نور بشر دا جھیڑا ٹھپیا راہون ڈتے
جاوید آصف
No comments:
Post a Comment
Note: only a member of this blog may post a comment.