کلام، تشبیہ تے استعارہ بدل ڈتا گئے
کہیں دی خاطر نظام سارا بدل ڈتا گئے
اتھاں ترقی دے ناں تے اینجھا لگے تماشہ
اساڈی وسوں دا ہر نظارہ بدل ڈتا گئے
توں میکوں ہنڑ اوں پرانے پتے تے خط نہ بھیجیں
کرایہ نہ ہا تے گھر دوبارہ بدل ڈتا گئے
میڈی دعا ہے شالا پرندے نہال راہون
میں کل ڈٹھے می پرانڑاں آرا بدل ڈتا گئے
اے ٹائل پتھر تے ماربل ہنڑ جڈاں دی آئی اے
او مال منجھیں تے لیپا گارا بدل ڈتا گئے
عظیم لوکیں دی ڈیکھ صحبت دا تھئے اثر جو
اساڈا ظفر وی ڈھیر سارا بدل ڈتا گئے
ظفر چانڈیہ
No comments:
Post a Comment
Note: only a member of this blog may post a comment.