جیلھے او شیشے دے اگوں کھڑ تے سنوردا ہوسے
قسم خدا دی اے شیشہ خوشی توں مردا ہوسے
سمجھ نی آمدی او لوگ گھر کیویں پجدے ہوسن
جنہیں کوں دگ ءچ اے یار میڈا ٹکردا ہوسے
او غیر دے نال توں نا ہوسیں توں رنج نا تھی
حضور والا قصور میڈی نظر دا ہوسے
جنہیں کوں رب نے اے اکھیں کینی نصیب کیتیاں
انہاں دے سانگے تاں سجھ وی کینا ابھردا ہوسے
او ویبلی تھی تے ساری وستی تکیندی ہوسے
جیڑی وی وستی دے وچوں شازل گزردا ہوسے
شہباز شازل
No comments:
Post a Comment
Note: only a member of this blog may post a comment.