میں وت سوچینداں جو تیڈے ہوون
یا کہیں دا ہوون یا خود ایں ہوون دی
کھیڈ وچ میں کتھاں کھڑا ہاں
میں پچھلے سفریں تے تیں جئے
بہوں لوگ گال آیاں پتے او کتھ ہن
او مر گئے ہن یا جیندے ہوسن
میں ساری دھرتی کھنگال آیاں
اگر او جیندن تاں من دے مندر تے
مونجھ تے جیہڑا دول وجدی
اے دول کیا ہے؟ اگر او مر گئن
ولا اے گم تھئں دی گول کیا ہے؟
اگر او جیندن تاں من مندر تے
مونجھ تے جیہڑا دول وجدے
اے دول کیا ہے؟ اگر او مر گئن
ولا اے گم تھئں دی گول کیا ہے؟
اے بھار جو میڈے ہاں تے لا تھے
میں کہیں کوں آکھاں
جو ڈھول سینہ پھرول کیا ہے؟
میں کہیں کوں آکھاں
جو ڈھول سینہ پھرول کیا ہے؟
تہوں تاں ہر کوئی خدا دی مرضی دے اگوں چپ اے
اے زندگی صرف سک دی دُھپ اے
جے توں وی بانہیں دی چھاں نہ کیتی تاں پچھے مرداں
تہوں تاں ہر کوئی خدا دی مرضی دے اگوں چپ اے
اے زندگی صرف سک دی دُھپ اے
جے توں وی بانہیں دی چھاں نہ کیتی
توں کھل کے ڈہدیں میں برف تھی وینداں
تیکوں پتے میں تیں تے ٹھرداں
تہذیب حافی
No comments:
Post a Comment
Note: only a member of this blog may post a comment.