ساڈیں اکھیں جگاریں دیاں کُڈھیاں کڈھین
اساں لوکیں اندھاریں دیاں کُڈھیاں کڈھین
کہیں ستارے دا متاں ستارا ملے
اساں ساریں ستاریں دیاں کُڈھیاں کڈھین
جنہیں ہک لحظہ پھُلیں دی قربت ہنڈائی
اُنہیں کئی سال خاریں دیاں کُڈھیاں کڈھین
ساڈے تن دے پھلوہے گواہی ڈیسن
اساں بکھدیں انگاریں دیاں کُڈھیاں کڈھین
شعر تاں شعر آکھنڑ والے آکھ گئے
اساں ول انہیں یاریں دیاں کُڈھیاں کڈ ھین
اکھ تے میں رات احساس دی دار تیں
چرک تئیں انتظاریں دیاں کُڈھیاں کڈھین
جمشید ناشاد
No comments:
Post a Comment
Note: only a member of this blog may post a comment.