پے کھڑکڈن خالی تھاں اپنی دلیلیں دے اُتے
تونی مٹی جم گئی اے ہُن سفیلیں دے اتے
ٹورو کئی قصہ، قوالی کئی یا نقلی کوں سڈو
وقت نئیں تاں ڈین بن ویسے علیلیں دے اتے
عشق دا رستہ میڈے پیریں دی سڈ تے کئو ڈتی
زنگ لگ گیا ہا میڈے سینکل تے ویلیں دے اتے
ہنجوں ڈیندے پن اساڈے آپوں جئے خوابیں کوں رزق
ہووے وتر تاں وِسا جا امدے کھیلیں دے اتے
ہُن اساڈے حق دے وچ ہر کوئی صفایاں ڈیندا پے
وقت کتنا اوکھا بیا امسے وکیلیں دے اتے
اساں اکھیں دی زیارت کر تے ڈیندوں رب کوں داد
لوک تصویراں بنڑیندے ان تے جھیلیں دے اتے
رزق دی تقسیم جڈ حاکم دے ہتھ ائی ہے ملک
بکھ پی لنگر تے ولیجھے، تریہہ سبیلیں دے اتے
الطاف ملک
No comments:
Post a Comment
Note: only a member of this blog may post a comment.