بھانویں لکھ الزام جو کوڑے میں تے لاتے ونجن
دل اہدے پر شیشہ چاتے یار سنجاتے ونجن
پہلے اپنڑے من دے اندر جھاتی پاتی ونجے
بعد اچ کہیں دے عیبیں اتوں پردے چاتے ونجن
اللہ سئیں آ جیڑھے بندے ما پیو دا ہاں ساڑن
اپنڑیں آل توں جیندٸیں اوجھے صِلّے پا تے ونجن
کنڈ دے پچھوں وار کریندن سامنڑے کٸی نی امدا
ایجھے لوک منافق چُنڑ تے پھٹے لاتے ونجن
اج تاں پیار دیاں نظراں بھالو دید کرا تے ونجو
ہنڑ نہ خالی روندے رڑدے نین سکاتے ونجن
مونجھے من دی مونجھ لہاونڑ سوکھا کم اے عاقل
اوندے فوٹو مڑھ تعویز بنڑا تے پاتے ونجن
عمران عاقل
No comments:
Post a Comment
Note: only a member of this blog may post a comment.