پنجابی سرائیکی شاعری
نا زور اے ساڈا نہ قرض لہنڑے خالی ولیسو تا کیا کریسوں
حسن دے شاہو خیرات ڈیو چا غریب لوک ہیں دعا کریسوں
بھلا فقیریں دے کول کیا ھ وفا دی قیمت نا منگ گھنا ھ
وڈی وڈائی بس ایہا کریسوں چا جندڑی اپنڑی فدا کریسوں
مسیتا دے اچ اذان ڈے کے نہ سڈو ملا خدا دا ناں من
نماز الفت ادا کرنڑ ڈے تے فرض ول پئے ادا کریسوں
جے سکھ نہ ڈیوو تاں ڈکھ ڈیوو کوئی نشانی تاں کول ہووے
غلیف پاکے چا سینے لیسوں نہ دل توں ملک جدا کریسوں
نہ اختے تھیوو نا کن تکھاوو سوال شاکر دا من گھنو سئیں
سوال جے تئیں منیسی کئینا ولا ولا کھڑ صدا کریسوں
شاکر شجاع آبادی
No comments:
Post a Comment
Note: only a member of this blog may post a comment.