پنجابی سرائیکی شاعری
خاب بھلا کیں دنیا وچ اوقات اِچ رہ تے ڈٹھے
اِنچی ٹیپ بنڑاون والے، تیں نی بونے ڈٹھے
اساں اونویں جئے جمدیں دے ٻوڑے، اندھے، لیکن
تیں جے سُنیا، سُنیا ہیسے، تیں جے ڈٹھے، ڈٹھے
ایجھا دور وی گزرئے ساکوں کوئی وی جاندا نہ ہا
لیکن اوں توں بعد وی ڈاڈھے اوکھے ویلھے ڈٹھے
کوٹ سماٻے دیاں سب گھٹیاں میڈے اندر کُھلدیین
دل دے ہر ہک رستے اُتے تیڈے پیرے ڈٹھے
اساں ڈوں تہذیبیں دا ڈکھ سر تے چاتا ہیسے
اساں بیڑیاں بُڈدیاں ڈٹھیاں، جہاز اُڈردے ڈٹھے
غزلیں دا تے اکھیں دا معیار نی ویچا الطاف
تھوڑا لکھیے، چنگاں لکھیے، خواب وی سُتھرے ڈٹھے
الطاف ملک
No comments:
Post a Comment
Note: only a member of this blog may post a comment.