پنجابی کلاسیکی شاعری
رل کے تونی لاؤ جیہڑا کردا سینہ زوری اے
توڑ اپڑے یا نہ اپڑے، میں تے گل چا ٹوری اے
کُڑیاں ونگاں لاہ سٹیاں تے جھپھ لئیاں نے مُنڈیاں نے
بابا! تُوئیوں ای چُپ کر جا، کھچ جے بالاں بھوری اے
کلیاں پڑدے وچ کھلو کے، ڈانگاں کھاندیاں رہنا ایں
بھج کے رب دے اُہلے ہوئیے، عرش نوں کہڑی موری اے
کھانا پینا تے مر جانا، مقصد تے نہیں جیون دا
ناہیں جیہنوں پیڑ کسے دی، مٹی دی اوہ بوری اے
نِریاں غزلاں نال بخاری! سَکھنا پیٹ بھریندا نہیں
منہ بھن دِتا پیار نے ہُن تاں روٹی منگدی گوری اے
تنویر بخاری
No comments:
Post a Comment
Note: only a member of this blog may post a comment.