پنجابی کلاسیکی شاعری
سن کے بختاوراں دی کوئی نہ دیوے موڑ
کرے کلام غریب جے دَین ادھوانے توڑ
ٹبّر بہت غریب دا ہے ہڈاں دا کھوہ
دولت منداں واسطے بری منکھ دی تھوڑ
دولت منداں دے گھر وچ پئی ہمیش
کال غریبی ماندگی رکھن نت انجوڑ
نٹھے آون مالشی سدیاں باجھ انیک
بختاور دے پیر دے وچ جے آوے مچکوڑ
کیتی باغ جہان دے لگ لگ سُک گئے
کیتی راکھے راکھیاں کردے گئے وچھوڑ
دینا بھلا نہ باپ دا بیٹی بھلی نہ ایک
بُری اوہ ناری سُندری جو دے اگوں موڑ
کُشتہ اوکھے ملن گے تیرے رنگ تئیں
بھانویں ہون پنجاب دے شاعر لکھ کروڑ
مولا بخش کشتہ
No comments:
Post a Comment
Note: only a member of this blog may post a comment.