پنجابی سرائیکی شاعری
قرآن کل صفتاں کیتین صفتاں وی ہن ساریاں تیڈیاں
مسجد مندر کعبے اندر تھیندیاں پیاں ہن داریاں تیڈیاں
توں من نہ من مرضی تیڈی اکھیں مگر کوڑیاں تاں نئیں
روندیاں ڈٹھم کئی بے ندا پیاریں توں ہن پیاریاں تیڈیاں
کیویں ونجاں میں او تائیں ول ول ولاں ول اے تائیں
پر پیر جے آزاد ھن گل وچ تاں ہن گاریاں تیڈیاں
بسمل وی ہاؤں مردے نسے پھڑکن جیتی پھردے نسے
قسمت ساڈی جلدی انویں مردیاں وی نئیں ماریاں تیڈیاں
پتھریں کوں کل کیری کیتی موسی کوں اج تائیں ہوش نئیں
ہئیں اج کتھاں ول تیار توں خیری تاں ہن تیاریاں تیڈیاں
سب کجھ لٹا کے وی اساں گیوں ادھ پچدھ سانگے تئیں
توں وی سجنڑ اپنڑی سنڑا عرشیں تئیں ہن یاریاں تیڈیاں
توں جیت گئیں اشتر جیڑھی آخر اوھا ہک جیت ہئی
ہارنڑ دی سدھ نئیں پئی تیکوں بازیاں جو نئیں ہاریاں تیڈیاں
رشید اشتر
No comments:
Post a Comment
Note: only a member of this blog may post a comment.