پنجابی سرائیکی شاعری
اکھیں دیوچ کندھاں اسریاں دیداں تھوڑیاں تھیاں
پچھیں ساڈی وستی آلیاں بیریں کؤڑیاں تھیاں
تنگ پتلونیں پانونڑ والیں پتلیں نقشہ لیکیا
ات گالھوں تاں ساڈے شہر دیاں گلیاں سؤڑیاں تھیاں
جھولی دیوچ جیونڑ ست اسمانیں جیڈا لگا
اکھیں بھال کے نکتھے ہئیں تاں ڈو ترائے پؤڑیاں تھیاں
تلیاں اتے ڈیوے بلسن سجھ وسمایا ویسی
جیندے جیندے ہتھیں اتے گنڈھیں روڑیاں تھیاں
پیر فریدنڑ کافی آکھی پچھیں ساڈیاں سانول
روہی سودھیاں تھل دامان دیاں جٹیاں سونہڑیاں تھیاں
سانول گورمانی
No comments:
Post a Comment
Note: only a member of this blog may post a comment.