پنجابی سرائیکی شاعری
پہلے مُلک اچ اندروں اندری کال بنڑاونا پوندے
ول ٻاہروں امداد دے کیتے تھال بنڑاونا پوندے
کہیں کہیں ویلھے کاوڑ اچ، میں آپ تو انج تھی بہنداں
کہیں کہیں ویلھے دشمن کوں بھئیوال بنڑاوںا پوندے
زندگی کوں تاں نِکے نِکے خواب ٹھگال چُھڑیندن
وڈی مچھی کیتے وڈا جال بنڑاونا پوندے
منٹ اچ پکھی غائب کر تے آکھیا جادوگر نے
عمر دا پورھیا لا تے اے رُومال بنڑاونا پوندے
ہک ڈیہنہ پیو دی پگ دی جھاہ تے پیریں داپھیا ویندے
جہڑے ریشم رشتے کو ست سال بنڑاونا پوندے
رزق کتاب دا پیٹ بھریندیں، خرچ تھیوے ہر گھر وچ
نعمت خانہ، الماری دے نال بنڑاونا پوندے
شعر نصیب دے وانگوں، چھوٹی عمر دے وچ ہے الطاف
ہک ڈیہنہ آپے بنڑ ویسے، فی الحال، بنڑاونا پوندے
الطاف ملک
No comments:
Post a Comment
Note: only a member of this blog may post a comment.