پنجابی سرائیکی شاعری
لگدے ساڈے دانڑے کوہنی ایں گالوں
ساڈے بال سیانڑے کوہنی ایں گالوں
پکھڑوں ساڈی وسوں چھوڑ کے ٹُر گئے ہن
چھتاں اُتے ٹانڑے کوہنی ایں گالوں
دریا ساڈا کالے دیہہ دی وٹھ ءچ ہے
بیڑیاں نال مہانڑے کوہنی ایں گالوں
ہر کہیں دے ہن عیب ڈسیندے خش تھی کے
شیشے کہیں دے کانڑے کوہنی ایں گالوں
جو کجھ ساڈا دل آہدا ہے لکھدے ہیں
قلماں اگوں چھانڑے کوہنی ایں گالوں
ہتھ نیں پیلے تھییے بُڈھڑی تھی گئی اے
میڈی دھی دے گاہنڑے کوہنی ایں گالوں
میں پنڑچیت ءچ جھانبھے ڈٹھن ککراں دے
پٹکے ٹور کے آنڑ ے کوہنی ایں گالوں
کہیں دے نال الواونڑ دا کوئی فیدہ ناہ
کہیں دے نال الانڑے کوہنی ایں گالوں
منشو بھٹہ
No comments:
Post a Comment
Note: only a member of this blog may post a comment.