پنجابی سرائیکی شاعری
آونڑ والیں کیتے رستہ خالی کرنڑاں پوسے
ساکوں وی ہنڑ اپنڑاں کھیسہ خالی کرنڑاں پوسے
انڑ ڈِٹھی کوئی پیاس ہے جیڑھی ساہ پیتی ویندی ہے
ایہو حال تاں ہک ڈینہہ دریا خالی کرنڑاں پوسے
اللہ سئیں آں میڈے کول کرائے دے پیسے کینی
کل پرسوں تئیں اے وی کمرہ خالی کرنڑاں پوسے
اونویں میڈا دل تاں وڈا اے ول وی ڈس ہاں میکوں
تیڈی خاطر اینکوں چوکھا خالی کرنڑاں پوسے
ساڈے پیوو ڈاڈے دی جاہ تے قابض تھی گن گودے
پتر آ ساکوں سارا رقبہ خالی کرنڑاں پوسے
میڈے خواب میکوں مزدوری والے پاسے نیسن
لگدے میکوں اپنڑاں بستہ خالی کرنڑاں پوسے
اے دنیا وی ریل گڈی دے وانگوں ہیوی فیضنڑ
ہک نہ ہک ڈینہہ ایندا چھکڑا خالی کرنڑاں پوسے
فیض بلوچ
No comments:
Post a Comment
Note: only a member of this blog may post a comment.