پنجابی کلاسیکی شاعری
الیوم بصر حدید وے
ہر وقت یار تے دید وے
کھولی عشق قلب کلید وے
تھئے گجھڑے راز پدید وے
ڈینہہ رات ساڈڑی عید وے
تھیا بُعد سخت بعید وے
غیروں ہے قطع بُرید وے
ہُٹ کھٹ گئی تقلید وے
دل مَل گھدی توحید وے
ہے حال روز مزید وے
ہر لحظہ شوق شدید وے
ہر آن ذوق جدید وے
امّارہ نفس عنید وے
کر صلح تھیوم مُرید وے
وہ جذب دی تائید وے
وہ فقر دی تمہید وے
تھی محو گفت شُنید وے
گئے وِسر وعد وعید وے
ٹھہندی نہیں تشدید وے
کاوڑ اتے تہدید وے
ایہو ادنٰی عبد فرید وے
ازلوں ہے دید خرید وے
خواجہ غلام فرید کوریجہ
No comments:
Post a Comment
Note: only a member of this blog may post a comment.