پنجابی عارفانہ کلام
تیری یاد پئی تڑپاندی اے لا لیاں نیناں نے جھڑیاں
کدی اس رستے وی لنگ ماہی تیری دید دی حسرتاں ہین بڑیاں
تیرا نوری ذکر جدوں ہووے میرے غم دا مداوا بن جاوے
انج ہجر دی رات نوں چمکاوے جیویں روشن ہوون پھلجڑیاں
جدوں تیرا غلام کہاواں میں کیوں خوف کسے دا کھاواں میں
تیرے ہندیاں اے مدنی آقاؐ مینوں دیندے نیں لوکیں کیوں تڑیاں
تیرے ورگا نہ کسے اکھ ڈِٹھا اے تیرا ثانی نہ جگ تے ہویا اے
تینوں اپنے جیا سمجھن والے بے علم نیں کردے تد اڑیاں
کتھے مہر علی کتھے میں عاصی میں خادم او مخدوم میرے
اے فیض ریاض علی دا اے تیرے اتے رنگتاں جو چڑھیاں
ریاض الدین سہروردی
No comments:
Post a Comment
Note: only a member of this blog may post a comment.