پنجابی عارفانہ کلام، حمد نعت، منقبت، سلام، مرثیہ
محبوب خدا دے بول عجب
لب دیوے جد اوہ کھول عجب
اوہ جد بولے قرآن بنے
بے مثل خدا دا ڈھول عجب
اُہدی ہر ساعت ہر پہر عجب
اس بحر کرم دی لہر عجب
جیدی خاک فرشتے چمدے نیں
محبوب خداﷺ دا شہر عجب
اُہدی زُلف دو تا خمدار عجب
اُہدے لب سوہنے رُخسار عجب
اُہدی ناصر کیہ تعریف کرے
کردار عجب گُفتار عجب
ہے دو جگ دا محبوبؐ عجب
اُہدے ہر کم دا اسلوب عجب
ایہہ تے ناصر ہر کوئی مندا اے
سبحان اللہ محبوبﷺ عجب
سرکارؐ عجب سردار عجب
غمخوار عجب دلدار عجب
بے مثل ہے گُلشن سوہنے دا
اس گلشن دی مہکار عجب
صديقؓ عمرؓ فاروقؓ عجب
عثمانؓ حیدر کرارؑ عجب
ذیشان عجب اہدی شان عجب
اُہدا اُسوہ تے قرآن عجب
جہدے کولوں نعتاں سنڑدے سن
اُہدے شعر عجب دیوان عجب
اُہدے خلق دی اے تلوار عجب
درباری عجب دربار عجب
جبریلؑ جہے اہدے چاکر نیں
دربار عجب دربان عجب
اہدی گل گل تے سر دیندے سن
اہدے یاراں دا ایمان عجب
اوتھوں ملدا اے جیہڑا چین عجب
اوہ محبوبﷺ ثقلین عجب
کتے او ادنی سبحان اللہ
کتے ہے قاب قوسین عجب
کی ناصر کولوں پُچھدے او
زہراؑ وی عجب حسنینؑ عجب
ناصر چشتی
No comments:
Post a Comment
Note: only a member of this blog may post a comment.