جدید پنجابی شاعری
بڈھی نوں دبکا مار بیٹھا
میں کی دساں فیر کی ہویا
بس جی جی جی جی جی ہویا
میں کی دساں فیر کی ہویا
جو نہیں ہونا سی او ہویا
میرا بلڈ پریشر لو ہویا
اک پاسا میرا سوتا سی
بار گلی اچ بھونکدا کتا سی
میں اپنے آپ نوں شیر کراں
دبکے دی کوشش فیر کراں
میتھوں پانی وی نہ پی ہویا
میں کی دساں فیر کی ہویا
او غصے دے نال لال ہووے
میرا لاگے مندا حال ہووے
نہ روکن والا کوئی سی
اودے لگئے چمٹا ڈوئی سی
او پھڑ کے اٹھ کھلوئی سی
میرے کولوں اے جینا نہ جی ہو
میں کی دساں فیر کی ہویا
فیر مینوں جو چڑھیا غصہ جی
میں پیروں لایا کھسہ جی
میں پچھیا کتھے چلیں ایں
او کہندی میں ٹُر چلی وانڈے جی
میتھوں نہیں تُپدے پانڈے جی
ویڑے وچ پھیراں بوکر جی
میں پیو تھڈے دی نوکر جی
میں جدوں دی آئی آں گھر تیرے
میں ٹکا نہیں تیرا ڈھٹا وے
گھر تیرے کدی نہ ہویا
آٹا تیل تے مٹھا وے
نہ پانڈے دے وچ گھی ہویا
میں کی دساں فیر کی ہویا
میں منیا تسی سچے جے
آ بیٹھے تھڈے بچے جے
چابی نال پیا ہویا تالہ جے
پچھے نہ میرے آنا جی
گھر ہوندا تھڈا سالا جے
ما پیاں تے چنگا بیجیا سی
زلفی اُگ کے ماڑا بی ہویا
میں کی دساں فیر کی ہویا
ذوالفقار علی زلفی
No comments:
Post a Comment
Note: only a member of this blog may post a comment.