جدید پنجابی شاعری
کدی شہ رگ کول وسدا ایں کدی نظر دے وچ وی آندا نئیں
کدی چار چوفیرے دسدا ایں کدی تیرے سوا کج دسدا نئیں
کدی طلب تے طور جلاندا ایں کدی عرش تے آپ بلاندا ایں
کدی کربل وی وکھا دیندا کدی چشمہ اج تک رکدا نئیں
کتے حسن تھیں انگلاں کٹدیاں نیں کتے اٹی مل پوانا ایں
کتے چھری نوں آپ رکا دیندا کتے بچہ وی کوئی بچدا نئیں
کتے عصا سپ بنا دیندا، کتے بچے نوں بلوا دیندا
کتے آپ وسا کے جنت وچ فیر جنت وچ وی رکھدا نئیں
صلیب چڑھا کے آپے فیر عرش ول بلا لیندا
"کن" کہہ کے سب کج کر دیندا جو چاہندا نئیں ہو سکدا نئیں
کدی اگ گلزار بنا دیندا کدی چاہ وچہ آپ پوا دیندا
رحمٰن وی توں سلطان وی توں بن مرضی پتہ ہلدا نئیں
کتے جان تے من وچ وسدا ایں کدی ورھیوں بعد ملدا ایں
کدی اتھرو روا کے لبھدا ایں کدی تیرے سوا کج لبھدا نئیں
سعدیہ عنبر جیلانی
No comments:
Post a Comment
Note: only a member of this blog may post a comment.