جدید اردو شاعری
دل منے یا نہ منے منانا پیندا اے
یار جِتّھے وِی بُلاوے جانا پیندا اے
میریاں سانواں اونوں ویکھ کے چلدیاں نے
روز اے جھوٹ اُس نوں سُنانا پیندا اے
پہلے خود نوں نیندر تک لے جاندا ہاں
فیر اس دے خواباں نوں بلانا پیندا اے
لفظاں وِچ وساون نال گل نہی مُکدی
کرداراں نال خود نوں بٹھانا پیندا اے
سجدے جِنّے کر لے بیلی، پر یاد اے رکھ
ربّ نوں اپنے دل وِچ وی وسانا پیندا اے
عقلاں دِی ہُن لوکاں نال تُو گل ناں کر
زہر مِٹھا اے کے کوڑا اے چکھانا پیندا اے
جِیندے جی تاں تیرے تے اعتبار نہی
عِشق دے وِچ تاں مر کے وکھانا پیندا اے
جے یار کِسے دا ہیرے ورگا ہووے تے
لوکاں دیاں نظراں توں بچانا پیندا اے
سلمان بشیر
No comments:
Post a Comment
Note: only a member of this blog may post a comment.