جدید پنجابی سرائیکی شاعری
مے کدے دی خوراک تھی گئے ہیں
خون سڑ گئے چپاک تھی گئے ہیں
اپنڑے اندر دے سیک پکریے ہِن
اپنڑے سینے تیں چاک تھی گئے ہیں
در ولا باہندے ہیں نماشاں نال
لٹیے ور دی پشاک تھی گئے ہیں
ساڈے چہرے نشان قبریں دے
خاک توں پہلے خاک تھی گئے ہیں
نَہسے پیتی تاں دوزخی ہاسے
پی کرائیں نیک پاک تھی گئے ہیں
جام کوئی گرم گرم ڈے ساقی
ٹھار نہ ٹھیک ٹھاک تھی گئے ہیں
اتنی قربت نصیب ناں ہئی پہلے
ہنڑ تاں بوتل دا کاک تھی گئے ہیں
روشنی دے جنون وچ شفقت
حلق سک گئے دھنواک تھی گئے ہیں
شفقت بزدار
No comments:
Post a Comment
Note: only a member of this blog may post a comment.