پنجابی گیت
وے بے ایماناں بُھل تے نہیں گئیاں یاداں میریاں
وے تو آپ وی نہیں آیا نواں خط وی نہیں پایا
راتاں چاننیاں لگن ہنیریاں
وے بے ایماناں۔۔۔۔
رب دی سوں میتھوں جھلی جاندی تیری دوری نہیں
ایڈی وی تے پیار نالوں نوکری ضروری نہیں
چھیتی آجا ہتھ جوڑاں مینوں تیریاں نیں لوڑاں
چن ماہی کاہنوں لئیاں نے تو دیریاں
وے بے ایماناں۔۔۔۔
اک گل ہور لکھ بڑی دکھ والی وے
اکھیاں نے مکھ تیرا ویکھیا نہیں ہالی وے
سُنجے پلکاں دے ویہڑے راہ تکدے نے تیرے
کھا گئیاں نیں اڈیکاں مینوں تیریاں
وے بے ایماناں۔۔۔۔
لکھ دے اخیر وچ جے توں نہیوں آنا وے
رُس جاں گی میں وی خط ہور نہیوں پانا وے
مک جاوے گی پہیلی اوتھوں ملے گی چنبیلی
جتھے مٹی دیاں ہور کئی ڈھیریاں
وے بے ایماناں۔۔۔۔
خواجہ پرویز
No comments:
Post a Comment
Note: only a member of this blog may post a comment.