جدید پنجابی شاعری
ٹاہراں
کنکرِیٹ دی اُچی پکی
چاردیواری اُتے
لگے ہوئے
برچِھیاں ورگے کھڑے کھلوتے
سریے تے کنڈیالی
تار دے تھانی
اپنا پِنڈا چِھلوا کے آپے
اپنیاں رگاں
پڑوا کے آپے
نازک ویلاں
اُلر اُلر باہر گلی دے وچ
ویکھ رہیاں نیں
ٹاہراں دے دے
آکھ رہیاں نیں
آوندے جاندے سارے لوکو
ایس کوٹھی دے وچ
دِنے راتی
جو کچھ ہُندا
ساتھوں ذرا وی
ویکھ نہیں ہُندا
رب دے ناں تے
سانوں ایتھوں آزاد کراو
آو ساڈیاں جڑاں وڈھو
سانوں ایتھوں باہر کڈھو
غلام شبیر عاصم
No comments:
Post a Comment
Note: only a member of this blog may post a comment.