پنجابی گیت
رم جھم رم جھم پیندیاں کنیاں
سجناں میری جان تے بنیاں
مُڑ مُڑ بدل گجھدا
آ جا میرا دل نئیوں نئیں لگدا
سوہنیاں میرا دل نئیوں لگدا
تیرے باجوں دل دیاں گلیاں سںنیا نے
ہنجواں دا پا پانی وے سدراں بُنیاں نے
صبر ساڈا آزمان والیا
جند سُولی لٹکان والیا
کر لے کم کوئی چج دا
سوہنیاں میرا دل نئیوں لگدا
دکھاں وچ لنگھ چلیاں عمراں پیار دیاں
سکھیاں ویکھ کہ مینوں تانے مار دیاں
آ کے سینے لا لے مینوں
یار ثواب ملے گا تینوں
جو ملدا اے حج دا
آ جا میرا دل نئیوں لگدا
سوہنیاں میرا دل نئیوں لگدا
نامعلوم
No comments:
Post a Comment
Note: only a member of this blog may post a comment.