جدید پنجابی سرائیکی شاعری
اساں تاں من دی مسیت دے وچ بُلا کے مُلاں سوال کیتے
ڈسا ہاں اج تئیں غریب کہیں دا جماعت کیہڑی خیال کیتے
کہیں دی زندگی دے خیال کیتے شہر دے سارے بلاک روڑءن
کوئی چا کے تھاباں تے منگدا رہے گے بھیک زندگی دی بال کیتے
فجر دا جیکوں سکول بھیجے لاش کھٹڑے تے چئو کے آئی اے
پکا کے روٹی ہائی بیٹھی تانگ ءچ ماء تاں اپنڑے اُوں لعل کیتے
ہے کون کُوڑا تے کون سچا عجیب ججاں دے فیصلے ہن
ہک نا اہل جو کیتے جیکوں تاں بے ڈینھ بے چا بحال کیتے
چار بندے مرا کے اپنڑیں پکڑ کے قاتل ریمنڈ ڈیوس کوں
جہاز اپنڑے تے بھیج چھوڑے اے ساڈے حاکم کمال کیتے
ساڈی وی دھی تاں ہے قید دے وچ بے جُرم بھاویں قصور ہوسس
رہائی دی اساں نی کیتی کوشش زبان کمبدی ہے گال کیتے
خدا تہاکوں رکھے سلامت نہ میل خشیاں دے میلے تھیوین
جڈاں وی منگوں خدا دے در تو دعا کراہے چا بلال کیتے
پوء دے پالے دے اُولے کیتے غریب سکدے لوکار کائنی
جشن توں ڈیکھیں منیدے حاکم نوے محسن ای سال کیتے
بلال محسن
No comments:
Post a Comment
Note: only a member of this blog may post a comment.