جدید پنجابی سرائیکی شاعری
عشق
ایہو عشق تاں، ہے جیندے بھابھنڑ وچ
بہلول توں گھن کے بلھے تائیں
لا تیلی اپنڑے تن من کوں ہئی من دا منگر صفاء کیتا
ول کالے قہر اندھارے وچ خود سڑ کے آنڑ اشعاع کیتا
تیکوں کوئی سدھ نئیں کئیں کیا کیتا؟
ایہو عشق تاں ہے جیڑھا ہر شئے ہے
کڈی پھل ہے اے، کڈی ماکھی ہے
کڈی پکھڑو ہن کڈی راکھی ہے
ناں رمزاں ناپ اے ناپ عشق ہے
ایہو عشق تاں ہے جیڑھا آپ عشق ہے
کڈی جنتاں مُفت وڈیندا ہے
کڈی زہر دے پیالے پیندا ہے
بہوں جیندا ہے
ایہو عشق تاں یے جیڑھا کلھا ہے
کدی کیچ بھنبھور تے مکران ءچ
منصور دے روپ ءچ اللہ ہے
کڈی ٹھلدائے کچیاں گھڑیاں تے
محبوب کوں ملنڑ دی سک کیتے
ایہو عشق تاں ہے کائنات ہچ جائیں
اروار تے پار کوں ہک کیتے
اروار تے پار دے رولے کوں
ایں عشق سائیں دے چولے کوں
جیکوں سدھ ناں ہئی ایندے پاونڑ دی
رلے ٹر کے توڑ نبھاونڑ دی
اوں عشق دا رستہ تنگ سمجھئے
شالا عشق ڈی عین کوں سمجھے ونجے
جائیں عشق کوں بس ہک جنگ سمجھئے
جئیں جنگ سمجھائے او اُجڑ گیائے
کئیں کوں نئیں ڈس سگدا اُجڑن دا
بس بچ نکلا ہے بھانبھڑ توں
اونددے جسم توں چھلڑی لہہ گئی ہے
رب جانڑے کیڑھے جھامبڑ توں
شودھا دُھپ کوں سمجھ کے
چھاں باہندائے
اوندی حالت دیکھ کے ہاں لاہندائے
ماء پاوا نپ کے آہدی ہس
میڈے پتر تے کالا جادو ہے
پیو جھولیاں چا، چا دعائیں منگدائے
ست مرن تے ایہو بچ پووے
میڈا ست پتراں توں وادھو ہے
اوندے ویرنڑ سنگت کوں پُنڑدے ہن
کڑویچ کے آہدن ویر ساڈا
بے قدراں نال بے قدرا تھئے
اوندی بھینڑاں تاک دے اوڈھر کھڑ
پیاں ڈسکیاں بھر بھر آہدیاں ہن
ساڈا یوسف وینرنڑ نظرا گئے
سب سیانڑے ملک دے رل کے ای وی
شودھے جانڑن تاں کے تائیں جانڑن
سائیں جانڑن سائیں دیاں گائیں جانڑن
نوشیروان اسفند
No comments:
Post a Comment
Note: only a member of this blog may post a comment.