جدید پنجابی سرائیکی شاعری
دل دھک دھک دول تے رقص کیتے
اساں باہیں کھول تے رقص کیتے
اساں اپنے آپ اچ رہے کوئے نہ
جڈاں آپ کوں گول تے رقص کیتے
ہنج ڈھیر حیا دی عادی ہئی
اوں وی زلفاں کھول تے رقص کیتے
اساں کہیں دے پھول پھلوریئے نیں
پھول اپنے پھول تے رقص کیتے
اوندی کاوڑ کاڑھ تے پی چھوڑی
اوندے مٹھڑے بول تے رقص کیتے
اساں ڈھول انمول دی گالھ کیتی
بس ڈھول دے دول تے رقص کیتے
اساں یوسف بھولے لوکاں دے
بھن اوں وی بھول تے رقص کیتے
عباس یوسف
No comments:
Post a Comment
Note: only a member of this blog may post a comment.