جدید پنجابی سرائیکی شاعری
میں اے تاں نمی آہدا گنہگار نمہی میں
اے سـچ ہے محبـت دا اداکار نمہی میں
ہن سوچ کے کر پیار دا آغاز میڈے نال
ہن پہلے جیہاں ڈھیر وفادار نمہی میں
اتنا وی میکوں سستا نہ سمجھو میڈے یارو
کھوٹا ہاں مگر اتنا وی بے کار نمہی میں
میں جان کے تھی کھڑداں اوندے سامنے میسا
او ایویں سمجھدے جو سمجھدار نمہی میں
کہیں بئے کوں ڈیکھا ونج کے اے مخمور ادائیں
ہن تیڈی جوانی دا پرستار نمہی میں
نہ کریں میڈے نال ولا اینجھاں مذاقاں
نہ آکھیں ولا یار تیڈا یار نمہی میں
میں یاری دے وچ یار خسارے نمہی ڈھدا
تئیں وانگوں منافعے دا خریدار نمہی میں
نئیں روک سگیا ظلم تیں تاڑیاں وی نئیں ماریاں
بے پھر ہاں مگر ظالم دا طرفدار نمہی میں
یوسف اوندی زندگی ہے جیندے نال گزارے
ہن ٻندا اوندے رستے دی دیوار نمہی میں
یوسف سنجرانی
No comments:
Post a Comment
Note: only a member of this blog may post a comment.