جدید پنجابی سرائیکی شاعری
ایویں لگدا ھ جو قسمت میڈی کالی بد روح
رات دیں رول ہوائیں دا بݨا کے جھوٹا
میڈے گھر میڈے درختیں تیں کھڑی جھوٹدی ھ
جیویں کوئی ناز بھری سبز پری جھوٹدی ھ
نال ڈیندی ھ ، کلہیپے کوں صبر دی لولی
میں کہیں ضدی بچے وانگ وفا کوں رواں
میں تیڈے بعد پوادھی نہ پچھادی ہوواں
روح روسدی ھ تاں ول
موت بہانہ ہوندے
ایویں ہر جرم دی تعزیر دے انداز عجیب
کنک کھاون دی سزا پیار دے رنگ اچ ڈے کیں
کالیں گوریں دے پرو
کرسی سجا بیٹھا ھ
میڈی گردن ، میڈی شہہ رگ تیں خدا بیٹھا ھ
کنک کیا، زہر وی ڈیوے ہا تاں کھا چھوڑاں ہا
تیڈے جبریل تے عزریل مکا چھوڑاں ہا
اے خدا پاک محبت، کے اگر وقت بچے
بھلاں بخشاواں یا ول ڈاندیں دی جوڑی جوواں
میں تیڈے بعد پوادھی نہ پچھادی ہوواں
طارق محسن قیصرانی
No comments:
Post a Comment
Note: only a member of this blog may post a comment.