جدید پنجابی سرائیکی شاعری
ابا گھر دا بخت
جیڈا اوکھا وقت ہوندا ہے
ابا گھر دا بخت ہوندا ہے
شالا تخت سلامت رہوے
گھر دا بخت سلامت رہوے
سکوں اپنڑاں حال ڈسیندے
ساکوں انگلی نپ ٹر ویندے
ساکوں کہل تے گل چا لیندے
ساڈے گل دا ہار ہوندا ہے
ابا وی ہک یار ہوندا اے
جئے کر جیتنے وڈے تھئی گیوں
رات کوں جیتاں لٹ آؤں تاں
ابا ساڈا جگدا رہندے
ساکوں کول بہلا تے آدھے
بچھڑا میکوں نندر نی آندی
رات کوں جلدی وال آیا کر
ماں تاں ناصر ماں ہوندی ہے
ماں دا رتبہ ہر کوئ جانڑیں
پر ابا وی تاں ابا ہوندے
جیندے ناں تو ہن سنجانڑدے
ہر دم ابا شاد پیا وسیں
ڈکھیں تو آزاد پیا ہسیں
تیڈا لہجہ مٹھا لگدے
جتنا لہجہ سخت ہوندا ہے
ابا گھر دا بخت ہوندا ہے
شہزادہ ناصر چنجڑی
No comments:
Post a Comment
Note: only a member of this blog may post a comment.