جدید پنجابی سرائیکی شاعری
تہوں تاں تھئی اے دیر وے سئیاں
چونڑڑے پئے گئین بیر وے سئیاں
تس ہی تس ہے ڈاڈھی تس ہے
رج کے چمسوں پیر وے سئیاں
یاد جو آئی ہے چن دلبر دی
بیٹھوں ہنجوں کیر وے سئیاں
مل ونج ساکوں ہنڑ تاں مل ونج
مونجھاں تھی گئین ڈھیر وے سئیاں
اوکھے موڑ وی اندے راہیندن
اللہ کرے خیر وے سئیاں
وسدی راہوے جھوک سجنڑ دی
دشمن ہوون زیر وے سئیاں
کہیں ہے جلدی لگا ونجی
اجاں ڈھیر سویر وے سئیاں
اوسیں جڈاں وستی ساڈی
کھلسن پھل چؤ فیر وےسئیاں
نکی جئیں دلناز ہے دلڑی
مونجھیں گھدے گھیر وے سئیاں
دلناز سمینوی
No comments:
Post a Comment
Note: only a member of this blog may post a comment.