جدید پنجابی سرائیکی شاعری
روح کوں لَگڑے روگ ہزاراں
ساہ ساہ نال ہن سُوگ ہزاراں
حِرص حوس دی دنیا اندر
جوگی بُھل گئے جُوگ ہزاراں
رَس اندر دی واسی گاسی
رل گئے راہیں بھوگ ہزاراں
بندے غُربت ماریئے وانگوں
پکھڑو لبھدن چوگ ہزاراں
لُک چُھپ کِھیڈدیں اِٹیاں ڈِیندن
رول کے اَپنڑیں پُوگ ہزاراں
یار امیر ہن راول بھوگیئے
زندگی وچ ہن بھوگ ہزاراں
امیر راول لنڈ
No comments:
Post a Comment
Note: only a member of this blog may post a comment.