جدید پنجابی سرائیکی شاعری
وسوں کیتے منڈھ اساں تیڈے کیتے پاند ہیں
قوم دے داناہ اساں تیڈے ہتھیں ڈاند ہیں
یار سندھو واسی ہیں ڈاڈھے اللہ راسی ہیں
ڈکھ تے متام دے نرے گھاسی واسی ہیں
سکھ کیتے مُڑی کئینی ڈکھ دی اُڑاند ہیں
قوم دے داناء اساں تیڈے ہتھیں ڈاند ہیں
جیندے پئے ہیں چِٹ تیں دریا دی بھِک تیں
پانی بھر باندھے ہیں کھٹڑے دی چھِک تیں
ویلھے آلی کھیڈ اے زندگی دی راند ہیں
قوم دے داناہ اساں تیڈے ہتھیں ڈاند ہیں
گھریں کنوں دوریاں ہن نسلاں ادھوریاں ہن
ول ای جیندے ودے ہیں کیڈیاں مجبوریاں ہن
ہک ڈینہ سال دا صدیں دی ویوہاند ہیں
قوم دے داناہ اساں تیڈے ہتھیں ڈاند ہیں
مونجھ دا مصّلہ ہیسے اَساں اللّہ بھلا ہیسے
نَئیں اگوں گھر ساڈا پانی دا اُچھلہ ہیسے
لووڑھ کیتے مُنڈھ اساں رَڑھ کیتے پاند ہیں
قوم دے داناہ اساں تیڈے ہتھیں ڈاند ہیں
عزیز احسن
No comments:
Post a Comment
Note: only a member of this blog may post a comment.