جدید پنجابی سرائیکی شاعری
میں معافی منگداں سجنڑیں توں
میں معافی منگداں سجنڑیں توں
سب بُڈھڑے نینگر یاریں توں
سب بالیں وانگوں پیاریں توں
میڈے مُلک دے اکثر گھریں وچ
ہِک جُنج دا اَٹا کائینا ہا
کہیں گھر وِچ روز دے فاقے ہِن
کُجھ دِھیریں پیرو رانڑیاں ہِن
کُجھ بچڑے کپڑے منگدے ہِن
پئیوُ ڈیکھ تے ہنجوں پِیندے ہِن
کڈی مَردے ہِن کڈی جِیندے ہِن
اجاں لوک سیلاب دے مارئیے ہوئیے
حالات دے ہتھوں ہارئیے ہوئیے
ہُنڑ تونڑیں گھر نہ سنبھرئیے ہِن
تھئے پانڑی ہاب پیاریئیں کوں
بَہہ ہُنڑ تئیں یاد کریندے ہِن
خود خُردے بہہ اَلویندے ہِن
ایں حال دے وِچ ہاں پھٹدا ہا
کیویں عید مُبارک آکھاں ہا
کیویں عید مُبارک آکھاں ہا
میں معافی منگداں سجنڑیں توں
آصف لنگاہ
No comments:
Post a Comment
Note: only a member of this blog may post a comment.