جدید پنجابی سرائیکی شاعری
گزریا ویہلا یاد کریندے رو پوندے
او ہن کہیں کوں حال سݨیندے رو پوندے
مولوی سئیں توں دڑ کے سنڑدے مسجد وچ
اللّٰہ سئیں کوں آن ڈسیندے رو پوندے
کینجھاں گالھیں لکھ بھجویندا ہیں میڈو
قاصد جیرھلے خط سٹویندے رو پوندے
جانی جیل کوں جندرا لا کے گیا کر
قیدی گھر کوں یاد کریندے رو پوندے
اوں ہک واری سچ دا سامنا کیتا ہا
ہن او کہیں کوں کوڑ مریندے رو پوندے
شاید ہن وی یاد آ وینداں میں اوکوں
جئیں ویلے تصویر بٹیندے رو پوندے
کھلدا کلھدا ملدے یوسف ہر کہیں کوں
کوئی جو تیڈی گال چُلیندے رو پوندے
یوسف سنجرانی
No comments:
Post a Comment
Note: only a member of this blog may post a comment.