جدید پنجابی سرائیکی شاعری
گال ہووے تاں ڈھول لبھ سگدے
سانجھ ہووے تاں دول لبھ سگدے
عشق ہووے جے دل دی کیری وچ
بہوں زمانیں دا شول لبھ سگدے
میں جے بولاں تاں لفظ نئیں جڑدے
توں جے بولیں تاں بول لبھ سگدے
میں تاں ہینڑاں ہاں یار ویلھے توں
توں جے گولیں تاں رول لبھ سگدے
عشق جیرھا کتھائیں وی نئیں ملدا
اپنڑے اندر کوں پھول لبھ سگدے
کوئی مصرعہ ہووے یا فقرا سئیں
تیڈے اکھیاں دے کول لبھ سگدے
اظہر کلیانی
No comments:
Post a Comment
Note: only a member of this blog may post a comment.