جدید پنجابی سرائیکی شاعری
میڈا مقصد صرف محبت ہے
میڈی روح دیاں رمزاں وکھریاں ہن
میڈی وکھری یار طعبیت ہے
ہے وکھرا مونجھ مزاج میڈا؟
میڈے اندر وکھری دنیا ہے؟
کوئی ڈیکھاں روندا رو پوندا، کوئی کھلدا ڈیکھ کے کھل پوندا
میکوں ہر دے نال محبت ہے، ہر کہیں کوں سستہ مل پوندا
میں تولہ ہاں، یا ماسہ ہاں
میں اپنڑاں آپ دلاسہ ہاں
میں اوپری، اپنڑی خوشی وچ انڑ کانڈھیا شامل تھی ویندا
میں بھل کے بھیم بھرم اپنڑاں
سب ریت، رواج، رسم اپنڑاں
ایں نچداں ڈھول دی ٹھاپ اتیں
میکوں کھل آندی ہے آپ اتیں
میکوں ایویں ہے محسوس تھیندا، جیویں ہر فن مولا ہواں میں
سر پا کے پیار دے رنگ اپنڑے
ہر رنگ دے وچ رنگویئج وینداں
میں اتنا سخت سوال نمی
کوئی سمجھے تاں سمجھیج وینداں
میں لال گلاب دی خوشبو ہاں
یا مست ہوا دا جھولا ہاں
میں پاک پیار دا راہی ہاں
میں رل گئی کونج دا ٹولا ہاں
میڈا کہیں تیں کیا تکرار میاں
میڈی منزل صرف پیار میاں
کوئی آکھے جو کجھ سہہ وینداں
میں اپنڑے آپ اچ رھ وینداں
میکوں سوچ کے اتنا تنگ نہ تھی
میڈے بارے ڈھیر سوال نہ کر
میں سدھا سادہ بندہ ہاں
میں کوئی مشہور حوالہ نئیں؟
کوئی کیا سنڑویسی حال میڈے؟
ھن واضح عیب اعمال میڈے
کائنات تیں آ کے، مالک دی مخلوق پتہ نئیں کیا کیتے؟
میکوں یوسف اتنا پتہ ہے
میں صرف محبت کیتی ہے
میڈا مقصد صرف محبت ہے
یوسف سنجرانی
No comments:
Post a Comment
Note: only a member of this blog may post a comment.