جدید پنجابی سرائیکی شاعری
خیال کاغذ تے سجھ لہیسی
میں روشنی تیں کتاب لکھساں
میں گزری صدی توں گھنساں عبرت
میں آندی صدی دے خواب لکھساں
میں نویں نسلیں کوں فکر ڈیساں
میں نسلیں کیتے نصاب لکھساں
اے وقت جتنے سوال گھن آئے
میں آپ سارے جواب لکھساں
توں صرف پُتریں دے شجرے لکھدئیں
میں دِھی سیانڑی نواب لکھساں
فلک تاں اپنڑیں قصیدے لکھدے
میں اپنڑی بھوئیں دے عذاب لکھساں
خدا ہنڈاوے بہشت اپنڑی
توں آ میں روٹی ثواب لکھساں
فریاد ہیروی
No comments:
Post a Comment
Note: only a member of this blog may post a comment.