جدید پنجابی سرائیکی شاعری
کجھ پیار دا اتبار ڈے سچ دا علم توں وی تاں چا
میں چائی کھڑاں تیڈی قسم میڈی قسم توں وی تاں چا
کُوڑی انا دے فاصلے ہک فیصلے دی مار ہن
ہک ڈو قدم چیندا ہاں میں ہک ادھ قدم توں وی تاں چا
ہر شخص میڈی ذات تے انگلی اتھے چیندا ودائے
اج کل تاں میں کئیں دا وی ناں تیڈا تاں ہم توں وی تاں چا
بے کار وچ انکار دا اے بھار کیوں چائی ودائیں
اتبار دی چس پیار دی باہیں تے سم توں وی تاں چا
کجھ تاں میڈی کجھ آپڑیں مشکل ظہیر آسان کر
میں غم تیڈا بہوں چا گھدائے ہُنڑ میڈا غم توں وی تاں چا
ظہیر مہاروی
No comments:
Post a Comment
Note: only a member of this blog may post a comment.