جدید پنجابی سرائیکی شاعری
مٹھاس جذباں دی گھِن کے آیائے سواد آیائے
سجنڑ سرائیکی دے وچ الایائے سواد آیائے
کِسے مسافر کوں پرلی منڑ دا شعور کونئی
میں خواب بیڑی دے وچ بلایائے سواد آیائے
میڈے وجود اچ تمام لہراں کھلو گیاں ہِن
جڈاں میں پانڑی تے ہتھ بنڑایائے سواد آیائے
میں ہنج دی آری دے نال پلکیں کوں چھانگ چھوڑائے
اُداس اکھیں چا بُور چایائے سواد آیائے
ہوا دے تیراں کوں اپڑے سینے تے جھَل کے آیاں
میں ڈھاندے پکھو کوں ونج بچایائے سواد آیائے
میں اتنا ٹریاں نسیم شودی زمین تھک پئی
میں کنڈھ تے مٹی دا بھار چایائے سواد آیائے
نسیم بخاری
No comments:
Post a Comment
Note: only a member of this blog may post a comment.