جدید پنجابی سرائیکی شاعری
ساڈی سوچ تیں فاتحہ بنڑدی ہے
اساں مردہ سوچ دے مالک ہیں
اساں سوچے گھر دی سولنگ دا
اساں سوچے پکی نالی دا
اساں سوچے بس ہک موگے دا
اساں منگین کسیاں مالکیں توں
اساں نئیں سوچا ساڈے وسبے وچ
کوئی یار سکول بنڑاوے ہا
ساڈے بال شعور ءچ آنون ہا
ساڈے وسبے اے المیہ ہے
ساڈے وسبے لگدے میلے وچ
ساڈے بال بندوق کیوں ونج گھندن
اساں نئیں سوچا
اساں نئیں آکھیا کہیں پھردے کوں
کوئی صحت دے مرکز جوڑو ہا
ساڈے لوک بیمار تھی مر ویندن
اساں نئیں آکھیا کہیں پھردے کوں
ساڈے وسبے صاف کوئی پانڑی دا
کوئی سلسلہ آن بنڑاوے ہا
ساڈیاں زندگیاں آن بچاوے ہا
ایں سوچ تیں فاتحہ بنڑدی ہے
ساڈی سوچ تیں فاتحہ بنڑدی ہے
حاتم بلوچ
No comments:
Post a Comment
Note: only a member of this blog may post a comment.