جدید پنجابی شاعری
رب وی توں رحمان وی توں
توں ہی ایں خدا
سُنڑدا اَیں توں سب دی مولا
جو وی کرے صدا
جہنوں چاہویں کر دیندا ایں
توں سب کجھ عطا
تیرے در تے آن کھڑا واں
بن کے میں منگتا
من دا آں میں بہت بُرا واں
توں سب دا ایں خدا
لج رکھیں میرے سوہنے مالکا
جو منگاں کریں عطا
میں گناہگار وی تیرا بندہ آں
سن لو میری صدا
ایس مہینے جس جو منگیا اے
تُسی کر دیو عطا
ٹالو سب دیاں مُشکلاں ساریاں
اے مالکِ مُشکل کُشا
کر قبول میرے سوہنے مالکا
عدیل دی اے دعا
واسطہ ای پنجتن پاک دا مولا
ہُن تے کُن فَرما
رب وی توں رحمان وی توں
توں ہی ایں خدا
عدیل احمد
No comments:
Post a Comment
Note: only a member of this blog may post a comment.