جدید پنجابی سرائیکی شاعری
ہتھ ڈیکھ تے گال ڈسا جوگی
میڈا لیکھ ڈسیندے کیا جوگی
اے بین دے دڑکے کیا آہدن
اے کنگڑ تے مڑکے کیا آہدن
تیڈا جوگ ڈسیندے کیا جوگی
میڈے دل دی ناگنڑ ماندی ہے
تیڈی ونجلی لو سدھاندی ہے
او آخری انگل ولا جوگی
تیڈا جوگ ڈسیندے کیا جوگی
گل پیاں تحریراں نہیں ویندیاں
ہتھ لیکھ لکیراں نہیں ویندیاں
نہیں ہتھ کوں لگدی بھا جوگی
میڈا لیکھ ڈسیندے کیا جوگی
ساکوں طارق بھالا بھالیں دا
تساں جوگی پھیرا سالیں دا
کرے ساہ تے کون وسا جوگی
میڈا لیکھ ڈسیندے کیا جوگی
تیڈا جوگ ڈسیندے کیا جوگی
احمد خان طارق
No comments:
Post a Comment
Note: only a member of this blog may post a comment.